ನೆರಳು

ಈ ಕಾನನದ ಕುಸುಮಕೆ

ಬೆಂಕಿಯ ಹೊತ್ತಿಸಿದೆಯಾ ದಾರಿಹೋಕ

ಸುಗಂಧದ ಆಸ್ವಾದ ಬೇಕಿರಲಿಲ್ಲ ನಿನಗೆ!

ಉಜ್ವಲದ ಜ್ವಾಲೆಯದೋ ನಿನಗೆ ಉಡುಗೊರೆ

ಪ್ರಜ್ವಲಿಸಿತು ಕಣ್ಣಲ್ಲಿ,ಮೈಯಲ್ಲಿ!

ಉರಿದು ಕೆಂಡವಾದ ನನಗೆ

ಮತ್ತೆ ಚಿಗುರುವ ಆಸೆ

ಆ ದುಂಬಿಯೇ ಜೊತೆಗಾರ

ಸುತ್ತಿಸಿ ಮುದ್ದಿಸಿ ಮತ್ತೆಲ್ಲೋ ಅಂಕುರಿಸಿದೆ;

ಬೆಳೆದು ಹೆಮ್ಮರವಾದೆ!

ಮತ್ತದೇ ದಾರಿಹೋಕನಿಗೆ ನೆರಳಾದೆ.

                                                        Pic: internet

ಗುಪ್ತಗಾಮಿನಿ

ಗುಪ್ತಗಾಮಿನಿ

ಅವಳು ನಿಘೂಢ,

ಅವಳು ವಿಸ್ಮಯ,

ಕಡಲ ಅಬ್ಬರಕೆ ಮೆಚ್ಚಿದ ನಾವಿಕನು

ಮೀನಿನ ಹೆಜ್ಜೆಯ ತಿಳಿಯಬಯಸಿಹನು..

ಹುಡುಕಾಟ ನಡೆದಿಹುದು,

ಅಂತರಂಗದ ಮೃದಂಗವೇ ಸುಳಿವು

ವಾರಿಧಿಯ ಅಂತರಾಳಕೆ.

ಕಾಣದು,ಕೇಳದು..

ಅರಿವಾಗುವ ಮುನ್ನ ಅವಳು

ಹರಿಯುತಿಹಳು ಗುಪ್ತಗಾಮಿನಿಯಾಗಿ ಮತ್ತೆಲ್ಲೋ..ಸಾಗುತಿಹಳು.

PC: Google